च्यारिटी फुटबल

नेपाल र जापानबीचको च्यारिटी फुटबल खेल भोली हुदैछ । फुटबल खेल्नका लागि जापानी टोली हिजोनै काठमाडौं आइपुगेको छ । नेपालको राष्ट्रिय फुटबल टोली र फ्रेन्ड्स अफ जापानबीच च्यारिटी खेल हुन लागेको हो । खेल एन्फा कम्प्लेक्स सातदोवाटोमा भोली दिउँसो  १ बजेबाट सुरु हुनेछ ।
सन् २००२ को विश्वकप खेलेका खेलाडी मिडफिल्डर काजुयिका टोडाको कप्तानीमा जापानी टोली नेपाल आएको हो ।
नेपाल र जापानको मैत्रिपूर्ण सम्वन्ध स्थापना भएको ६० वर्ष पुगेको अवसरमा अखिल नेपाल फुटबल संघ एन्फा र जापानको एनजीओ कलरबाथले मिलेर खेल आयोजना गरेको हो ।
खेलबाट जम्मा भएको रकम २०७२ साल बैशाख १२ गतेको भूकम्पबाट बनेका पीडितका लािग खर्च गरिने जनाइएको छ ।