विधान कार्यान्वयनमा सबै गम्भीर हुनुपर्छ ः गौतम

नेकपा एमालेका उपाध्यक्ष बामदेब गौतमले अहिले सिंमाकन हेरफेर गर्न नसकिने बताउनुभएको छ ।
सरकारले सिमांकन हेरफेर सहितको संविधान संसोधन प्रस्ताव तयार पार्न लागेको बताइरहेका बेला प्रमुख प्रतिपक्षी दलका नेता समेत रहनु भएका उपाध्क्ष गौतमले संविधान जारी गर्दा तय भएका सात प्रदेशको सिमाना हेरफेर कुनैपनि हालतमा नहुने बताउनुभयो । सिमांकन हेरफेर सहितको संविधान संशोधन प्रस्ताव पेश भए एमालेलाई मान्य नहुँने बताउनु भएका गौतमले हिमाल पहाडलाई तराईबाट अलग््याएर नेपाल बन्नै नसक्ने जिकीर पनि गर्नुभयो ।
नेकपा–एमाले प्यूठानले आज स्वर्गद्वारीखालमा गरेको कार्यकर्ता प्रशिक्षण तथा गाउँ जागरण अभियान कार्यक्रममा उहाँले संविधान कार्यान्वयनका लागि तोकिएकै समयमा निर्वाचन हुनुपर्ने बताउँदै उहाँले २०७४ माघसम्ममा निर्वाचन नभए मुलुक गम्भीर संवैधानिक सङ्कटमा पर्न सक्ने चेतावनी पनि दिनुभयो ।