कांग्रेस बरिष्ठ नेता पौडेल आज बारा जाने

नेपाली कांग्रेसका बरिष्ठ नेता रामचन्द्र पौडेलले आज बारामा हुने नेपाली कांग्रेसका कार्यकताहरुको भेलालाई सम्बोधन गर्नुहुने भएको छ । संविधानमा तराई मधेशमा देखिएको असंतुष्टी सम्बोधन गर्नका लागि संविधान संसोधनको अन्तिम तयारी भइरहेका बेलामा पौडेल एकसाता लामो तराई यात्रामा निस्कनु भएको हो ।

बिरगंजबाट हिजो सुरु भएको पौडेलको तराई यात्रा बारा, रौतहट, सर्लाही, महोत्तरी र धनुषासम्म रहने पौडेलका सहयोगी चिरिन्जीवी अधिकारीले जानकारी दिनुभयो । पौडेलले संविधान संसोधनमा के कस्ता बिषय समेटन आवश्यक छ भनेर  तराईका बुद्धिजीवीहरुसंग समेत छलफल गर्ने बताइएको छ ।

साथै संविधान संसोधनका बारेमा तराई मधेशका जनतासंग साक्षात्कार गर्ने उद्देश्यले दुई नम्बर प्रदेशका सवै जिल्लामा जानु भएको हो । उहाँ मंसिर ७ गते धनुषामा नेपाली कांग्रेसले आयोजना गर्ने कार्यकर्ता भेटघाट सकेर सोहिदिन नै राजधानी फर्कने कार्यक्रम रहेको पौडेलका सहयोगी अधिकारीले बताउनुभयो ।