कतार गएका भिम बहादुर नौ वर्षदेखि परिवारको सम्पर्कमा छैनन

रोजगारीका लागि कतार आएका एक नेपाली सम्पर्कमा नहुँदा परिवारका सदस्य तथा आफन्त चिन्तित बनेका छन् ।

कञ्चनपुरको त्रिभुवन बस्ती ९ का भिम बहादुर बोहोरा नौ वर्षदेखि परिवारको सम्र्पकमा छैनन् । सन् २००३ मा काम गर्न अल इस्तेवा डब्लुएलएल कम्पनीमा आएका बोहोरा सन् २००७ पछि परिवारको सम्पर्कमा हुनुहुन्न ।

‘छुट्टि सकेर कतार गएपछि कम्पनी चेन्ज गरें भन्नुभएको थियो’ भिम बहादुरकी बहिनी भगवती बोहोराले भन्नुभयो, त्यसपछि सम्पर्क नै हुन छाड्यो । गाउँबाट कतार जानेहरुलाइ फोटो र फोन नम्बर दिएर खोजी गरिदिन आग्रह गरेपनि भिम बहादुर फेला नपरेको उहाँले बताउनुभयो । उहाँको खोजी गरिदिन नेपाली दूतावास तथा कतारमा रहेका नेपाली संघसंस्थालाई परिवारले आग्रह गरेको छ ।