सकरपुरा गाविसका सयौ घर डुवानमा

लगातार एक हप्तादेखी भइरहेको वर्षाका कारण सप्तरीको सकरपुरा गाविसका वडा नं. १ देखी ५ सम्म डुवानमा परेको छ ।

सो गाविस वडा नं. ५ र ६ मा पर्ने खाडो खोलामा आएको बाढीले ती वडाहरु डुवानमा परेका हुन् । जस कारण ती वडाका चार दर्जन घरहरुमा पानी पसेर डुबानमा परेको स्थानीयबासीहरुले बताएका छन ।

घरहरुमा पानी पसेपछि प्रहरीले स्थानियहरुलाई सुरक्षित स्थानमा वास बस्न आग्रह गरेको छ ।

वर्षेनी खाडो खोलाका कारणले सकरपुरा सँगै लौनिया ,तिलाठी ,रम्पुरा मल्हनिया लगायतका विभिन्न गाविसमा सयौ घर परिवार डुबानमा पर्ने गरेका छन । बर्षौको उक्त समस्या समाधानका लागि सरकार तथा सम्बन्धित निकाय समेत मौन रहेको आरोप स्थानीयबासीहरुको रहेको छ ।