छुट्टाछुट्टै सवारी दुर्घटनामा तीन घाइते

विराटनगर, साउन ९ गते।

पूर्व क्षेत्रको विभिन्न तीन स्थानमा शनिबार भएको सवारी दुर्घटनामा परी तीन जना घाइते भएका छन।

मोरङको रंगेली नगरपालिका २ बिराटनगर-रंगेली सडक खण्डमा पिकअपले ठक्कर दिएर मोटरसाइकल चालक घाइते भएका छन। पूर्वतर्फ जादै गरेको को १ च ९०३० नम्बरको पिकअपको ठक्करबाट को ११ प १४९५ नम्बरका मोटरसाइकल चालक मोरङ अमरदह २ बस्ने ५२ वर्षिय रामकुमार यादव सामन्य घाईते भएका छन। घाइते यादवको रंगेली अस्पतालमा उपचार भइरहेको छ भने ठक्कर दिने पिकअपसहित चालक फरार भएकाले प्रहरीबाट उनको खोजी भइरहेको छ।

त्यसैगरी झापाको कन्काई नगरपालिका १ पूर्व पश्चिम राजमार्गमा बा ४ ख १९५६ नम्बरको माइक्रोले ठक्कर दिएर सोही नगरपालिका ७ बस्ने ६० वर्षिय मेदनी सिटौला घाइते भएका छन। घाइते सिटौलाको बिएनसी अस्पताल विर्तामोडमा उपचार भइहरहेको छ भने माइक्रो र चालक प्रहरीको नियन्त्रणमा रहेको छ।

त्यसैगरी सप्तरीकको रामपुरमल्हनिया ४ मा को २२ प ४४९३ नम्बरको मोटरसाइकलले ठक्कर दिंदा पैदलयात्री कोइलाडीबर्साईन ८ बस्ने १४ वर्षिय संजय मुखिया घाइते भएका छन्। घाइते मुखियाको सगरमाथा अंचल अस्पतालमा उपचार भइरहेको छ भने मोटरसाइकल र चालक प्रहरीको नियन्त्रणमा रहेको छ।