पिसाब फेरेको निहुँमा’ गलबन्दीले घाँटी बेरेर सुखवीरको हत्या

जितेन्द्र भण्डारी/इमेज
पाँचथर, वैशाख २ । पाँचथरमा आफूतिर फर्केर पिसाब फेरेको निहुँमा साथीको हत्या गर्ने रवि–१ का देउके भनिने अनिलकुमार राईलाई प्रहरीले पक्राउ गरी विहीबार सार्वजनिक गरेको छ ।

गत चैत २८ गते धरान प्रहरीले उनलाई पक्राउ गरी जिल्ला प्रहरी कार्यालय पाँचथरलाई बुझाएको थियो ।

पाँचथरको आरुबोटेमा भएको साँस्कृतिक कार्यक्रमबाट घर फर्कनेक्रममा वलने–९ मा रवि–३ का १८ वर्षीय सुखवीर राईले आफूमाथि पिसाब फेरेको भन्दै अनिलले गलबन्दीले घाँटी बेरेर सुखवीरको हत्या गरेका थिए ।

दुबैजनाले रक्सी पिएको र ‘नगर’ भन्दा–भन्दै पनि सुखवीरले आफूमाथि पिसाब गरेपछि हत्या गरेको बयान अनिल राईले दिएको पनि प्रहरीले जनाएको छ ।