मिलानले रोमालाई हरायो

मिलान — इटालियन सिरी 'ए' अन्तर्गत आइतबार एसी मिलानले एएस रोमाको घरेलु मैदानमा २-० को जित दर्ता गरेको छ । दोस्रो हाफमा दुई गोल गरेपछि मिलानले सिजनको १३ औं जित दर्ता गर्‍यो।]

प्याट्रिक कुट्रोनेले ४८ औं मिनेटमा सुरुआती अग्रता दिलाएका थिए भने डेविड कालाब्रियाले ७४ औं मिनेटमा दोस्रो गोल गरे। यस पराजयसँगै रोमा लिगको पाँचौ स्थानमा झरेको छ भने मिलान सातौं स्थानमा छ।

लिगको अन्य खेल लाजियोले सासुओलोलाई ३-० ले पराजित गर्यो। यससँगै लाजियो अंक तालिकाको तेस्रो स्थानमा उक्लन सफल रहयो। युभेन्ट्स र एटालान्टाको खेल भने अत्यधिक हिमपातका कारण स्थगित गरिएको थियो।